Afhverju?

Er þetta eitthvert einkamál þeirra sem búa við Rauðalækinn? Afhverju á ég að þurfa að fara lengri leið milli staða? Enginn spurði mig og mér vitanlega var aldrei kynnt þessi ætlun nema íbúum götunnar. Ég mótmæli þessum gjörningi hér með. Kveðja, Ég.

 

Rauðalæk lokað

Athugasemdir

[Marinó Óskar Gíslason, 14.6.2010 kl. 12:36]

Okkur sem búum í nágrenni við Rauðalækinn gafst kostur á að mótmæla, en kerfiskarla og kerlingar hlusta aldrei á rök fólksins. Ég legg til að þessir kálfar í skipulagsnefnd verði allir reknir. Þeir vinna ekki fyrir mig.

[Jens (IP-tala skráð) 14.6.2010 kl. 13:02]

Rauðalækur er íbúagata, auðvitað varðar það fólkið sem býr í henni langmestu hvernig umferðin í götunni er.

Að loka Rauðalæk lokar engum leiðum nema hraðahindrunar- og umferðarljósalausri hjáleið sem óþolinmóðir ökumenn nýta sér og því miður keyra þeir oft alltof hratt í gegnum þessa hreinu íbúðargötu.

[Skeggi Skaftason, 14.6.2010 kl. 13:20]

Á hvaða leið ert þú góurinn?

Þeir sem eiga leið um ofanverðan Rauðalæk koma nú inn af Dalbraut eingöngu. Þeir sem eiga leið á neðanverðan Laugalæk og Bugðulæk keyra inn Rauðalækinn neðanverðan.

Þetta minnkar fyrst og fremst gegnumakstur um Rauðalæk, sem er þéttbýl íbúagata. Fólk kemst nú t.d. ekki í 10-11 búðina um Dalbraut-Rauðalæk, en getur farið annað hvort Dalbraut-Sundlaugarveg, eða Sæbraut-Laugarnesveg.

Vel tilraunarinnar virði að prófa þetta. Alveg óþarfi að hleypa umferð í gegnum hverja einustu íbúagötu.

[Tryggvi Helgason (IP-tala skráð) 14.6.2010 kl. 15:52]

Hefur verið athugað hvort heppilegt kynni að vera að hafa einstefnu á sumum götum ? Til dæmis á eina átt í einni götu en í hina áttina í þeirri næstu ?